Нетоксичен и ефтин домашен пластелин

Од: Твое Бебе on Четврток, 24/07/2014 - 00:41
пластелин

Кое дете не ужива во игрите со пластелин, во разните облици и бои и бесконечните можности за креирање. Еве една рецепта за домашен пластелин, ефтин и без токсични хемикалии.


Потребен материјал за пластелинот:


2 Чаши вода
2 Чаши брашно
1 Чаша сол
2 Лажици масло
2 Пакетчиња лимонтоз
Прехрамбени бои

 

Изработка на пластелинот:


Измешајте ги состојките, со исклучок на прехрамбените бои и ставете ги да се варат на тивок оган. Мешајте додека не добиете тесто.

 

тесто за пластелин



Тестото нека се излади во тенџерето, а потоа нежно месете го околу 2 минути. Ако тестото се лепи додадете малку брашно.

Разделете ја смесата на неколку дела. Во секој дел, направете вдлабнатина и ставете по една боја, па повторно измесете.

Резулататот пријатно ќе ве изненади. Добиениот пластелин нема да има пријатен вкус, но доколку детето и вкуси од него нема да биде тосичен. (се разбира дека не треба да го охрабрувате да го јаде пластелинот)

Пластелинот чувајте го во кутија за да не се суши.

 

домашен пластелин