Повторувачки спонтан абортус

[bibe]

Zdravo! I jas imav vakov problem i so godini ne mozea da mi otkrijat sto mi e zosto imav nekolku spontani. I zatoa sakam da im pomognam so sovet na site sto imaat vakov problem, a gi imaat iscrpeno site mozni pricini za spontanite da go napravat i testot za" Ispituvanje na Hemostaza" i D-dimeri" jas go pravev na Klinika za Transfuziologija i po 12god. i po nekolku spontani se ustanovi deka toa bilo pricinata i eve sega imam edno preubavo bebence.Toa e mojot sovet . :) :)

[heba]

zdarvo Bibe !! kazi mi samo kade gi praveshe ispituvanjata i dali preku krv !!!!

[bibe]

zdarvo Bibe !! kazi mi samo kade gi praveshe ispituvanjata i dali preku krv !!!!

Zdravo heba!Ispituvanjata gi pravev (veke napisav) na Klinika za Transfuziologija kaj dr.Kostova Stojanka ona e zadolzena za taa problematika i ona me vodese vo bremenosta od taa oblast, a se pravi preku krv ednas mesecno i cini okolu 300 den.Pozdrav.

[Mechevska]

Хеба ти посакувам што поскоро да дојдеш до твоето бебенце.јас имав абортус во 6 мес.после 4мес останав пак трудна и сега се радувам на синот.

[Debora]

ПОВТОРУВАЧКИ СПОНТАН АБОРТУС
После 3 последователни абортуси, се вели дека станува збор на повторувачки абортус. Кога се работи за оваков случај се прават низа испитувања, за да се утврди причината која води до тоа да се случуваат абортусите.

Кога ќе се открие причината, зависно од нејзиниот вид, се превземаат соодветни мерки. Сепак понекогаш причината не се открива. Но и во таков случај, парот има големи шанси следната бременост да биде успешна.
Освен класичните ултазвучни испитувања се прават:

* Кариотип – со ова испитување се проверува дали има некои хромозомски аномалии кај двајцата родители.
* Испитување на хормоните кај мајката.
* Микробиолошко испитување на двајцата родители. Понекогаш причина за спонтаните абортуси може да биде некоја инфекција на уро-гениталниот тракт.
* Имунолошки испитувања. Понекогаш организмот на мајката може да не го препознава бебето како свое и да го нападне.
* Хистероскопија. Се гледа внатрешноста на матката, за да се утврдат евентуални аномалии. Кога се работи за аномалија на матката, абортусите често се случуваат во второто тромесечие.
* Биопсија на ендометриумот на матката. Со ова се гледа дали хормоните имаат правилен ефект врз матката.

[Happy^_^]

Е сега ова моево не знам што е најверојатно во Систина ќе знаат (smile)
Не се гледаше ни сакус ни плод ни ништо. Дали да го рачунам како повторувачки спонтан?
Ми рекоа дека моќе матката не ми била спремна после киретажа или вирусот што ме фати за време на плодни денови ама мене некако не ми се остава на случајност.

[Debora]

Мислам дека 2 спонтани не се сметаат за повторувачки.

[Радост]

Еве и нешто плус на оваа тема, можеби некому ќе му послужи ( далеку било од сите ).

Причините за спонтаните абортуси се комплексни и често е тешко да се идентификуваат. Дури и оние состојби за кои се претпоставува дека се причина за нив се слабо разбрани. Сепак, жените со повторени спонтани абортуси може да имаат корист од евалуацијата, потпорните програми и од третманот. Кај жените чии спонтани абортуси имаат причина што не може да се идентификува, повеќе од 80 посто од оние со два или повеќе спонтани абортуси на крајот ќе завршат со успешна бременост ако постои потпорна грижа.

ПРИЧИНИ

Иако спонтаните абортуси се чести (30 отсто од сите жени доживуваат најмалку еден спонтан абортус во животот, а 1-2 отсто имаат три или повеќе), има релативно мал број спроведени студии за нивната причина и за третманот.
Кај 40-50 отсто спонтани абортуси причината не може да се открие. Некои од причините се познати, и тие се:
ендокрини проблеми (како што се тиреоидните заболувања), се одговорни за 15-20 проценти од спонтаните абортуси
хиперкоагулабилност (зголемена тенденција да се развие згрутчување на крвта), исто така предизвикува 15-20 проценти
абнормалностите на утерусот и цервиксот предизвикуваат 10-15 проценти
генетичките мутации предизвикуваат 2-5 проценти
инфекцијата е одговорна за 0,5-5 проценти спонтани абортуси

ТРЕТМАН

Овие причини може да се откријат и да се третираат. Кај жените со тиреоидната дисфункција (хипотиреоидизам и хипертиреоидизам), успешен третман го намалува ризикот од спонтаниот абортус, како и од другите неповолни исходи. Скорашните студии, исто така, покажаа дека кај одредени жени што имаат антитиреоидни антитела (состојба што се среќава околу 11 посто од жените во репродуктивната доб) третманот со тиреоидниот хормон левотироксин може ефективно да го намали процентот на спонтаните абортуси.

Жените што имаат хиперкоагулабилност може да се третираат со терапија што го намалува згрутчувањето на крвта. Тоа е најчесто аспирин или хепарин, или и двата.

Тежината е уште еден фактор што придонесува кон зголемени шанси за спонтаните абортуси. Истражувањата покажаа дека обезитет, како и намалената телесна тежина, значително ги зголемува компликациите во бременоста, како и ризикот од спонтаниот абортус. Голем број жени имаат зголемена телесна тежина поради што влијанието на обезитет на исход на бременоста станува јавноздравствен проблем. Дури и умерен губиток на тежина од 5-10 проценти може значително да го намали ризикот од спонтаниот абортус.

ПСИХОЛОШКИ ТРЕТМАН

Повторените спонтани абортуси се поврзани и со зголемен процент на депресија кај тие жени. Додека застапеност на депресијата во општа популација е 5-10 проценти, истражувањата покажуваат дека кај жените што имале еден спонтан абортус зачестеноста се зголемува на 10-20 проценти и на најмалку 30 проценти кај жените што имале два или повеќе спонтани абортуси. Поради тоа, депресијата треба да се третира со психотерапија и со медикаменти, или и со двете. Третирањето на депресијата може да и помогне на жената успешно да преземе и други чекори за намалување на ризикот за спонтаните абортуси, како што е намалување на телесната тежина, земањето на медикаментите како што се пропишани, како и посетување групи за помош.

Неколку контролни студии најдоа дека употребата на хепарин и/или аспирин, кои вообичаено им се пропишуваат на жените со необјаснети спонтани абортуси, не се ништо повеќе ефикасни во тие случаи отколку стандардната грижа.

Од посебна помош е мултидисциплинарен приод кон овој проблем. Евалуацијата, третман, следење и поддршка од тим на доктори од различни специјалности што вклучуваат неколку дисциплини (генетика, ендокринологија, хематологија, имунологија и др.) се вистински приод кон лекувањето на пациентите со овој проблем.

[Dollores]

Jas denes go imav 3 spontan! Pricini tek sega ke utvrduvame. Bolno i strasno cuvstvo !

[ripcence]

(a2) HappyMom биди силна...