Цуцла

Општи теми за бебиња од 0-12 месеци. Напредување во висина и тежина, развој на бебе, спиење, првите денови со бебето итн.

Moderator: Модератори

Debora
Администратор
Администратор
Мислења: 11056
Придружен: 22 Sep 2009, 17:24
Му се допанале: 5853 пати
Им се допаднал: 3576 пати

Цуцла

Post by Debora » 04 Feb 2010, 14:23

ДАЛИ ТРЕБА ДА МУ СЕ ДАВА ЦУЦЛА НА БЕБЕТО
Бебињата се раѓаат со силен рефлекс за смукање, тие го смукаат својот прст уште додека се во утробата на мајката. Многу бебиња наоѓаат утеха во цуцлата и се смируваат.
За тоа дали е добро да му се дава на бебето цуцла има спротивставени мислења, ќе ги наброиме позитивните и негативните страни на давањето на цуцла на бебето.

ПОЗИТИВНИ СТРАНИ НА ЦУЦЛАТА
* Ако бебето е плачливо или нервозно, цуцлата може да го смири. Многу бебиња уживаат додека смукаат нешто.
* Никогаш немојте хранењето на бебето да го замените со давање на цуцла, но цуцлата може да помогне бебето да не стане премногу вознемирено во тек на неколку минути, додека да му дадете храна.
* Цуцлата на многу бебиња им помага да заспијат.
* Испитувањата покажуваат дека со употреба да цуцла во текот на спиењето, се намалува шансата за синдромот на ненадејна смрт кај новороденчињата.
* Некои бебиња ако не им дадете цуцла. ќе го смукаат својот прст, а да го одвинете од тоа ќе биде потешко, отколку да му ја земете цуцлата.

НЕГАТИВНИ СТРАНИ НА ЦУЦЛАТА
* Ако рано му дадете на бебето цуцла, може да има проблеми со доењето. Чувството кое го има бебето кога ја смука цуцлата и градата на мајката е различно, па кај некои бебиња тоа создава проблем за да научат како да се дојат. Заради оваа причина не се препорачува да му дадете цуцла на бебето, се додека не наполни еден месец.
* Кај бебето може да се створи зависност од цуцлата. Ако бебето е навикнато постојано да ја има цуцлата додека спие, не е ништо неверојатно, ако ноќе ве буди со плач кога ќе му падне цуцлата од устата.
* Цуцлата може да го зголеми ризикот од инфекција на увото кај бебето. Сепак ризикот од оваква инфекција е помал во првите 6 месеци од животот, а тогаш е најголемата потреба од цуцла.
* Долгата употреба на цуцла, може да предизвика проблеми со искривување на забите. Сепак за да се случи тоа треба бебето да биде со цуцла во текот на неколку години.
* Цуцлата ја зголемува можноста за габични инфекции во устата и инфекции на органите за преработка на храната.

СОВЕТ ЗА КОРИСТЕЊЕ НА ЦУЦЛА
* Ако решите да му дадете цуцла на бебето, немојте да го правите тоа се додека доењето не се воспостави сигурно и без никакви проблеми. Најдобро е да почекате барем неколку седмици. Во спротивно бебето може да има проблеми со навикнувањето на доење.
* Немојте да ја корстите цуцлата како прва алтернатива за да го смирите или заспиете бебето. Наместо тоа обидете се да го нишкате, да му пеете и сл.
* Ако бебето не сака да ја прифати цуцлата, немојте да инсистирате на тоа. Ако му падне од устата додека спие, не се обидувајте пак да ја вратите.
* Редовно превривајте ја цуцлата и немојте да ја "чистите" со тоа што ќе ја ставите во вашата уста. Тоа само ќе донесе повеќе бактерии во устата на бебето.
* Ако има опасност од инфекции на увото, обидете се да го одвикнете бебето од цуцлата после шестиот месец од животот.
* Редовно проверувајте ја цуцлата да не има пукнатини или да не е прегризана. Во таков случај бебето може лесно да откине дел од неа, а тоа носи опасност од загушување.

КАКО ДА ОДБЕРЕТЕ ЦУЦЛА ЗА БЕБЕТО
Внимавајте на тоа цуцлата да не може лесно да се разглоби, тоа претставува опасност за бебето. Ако вие можете да ја раздвоите цуцлата со влечење, веројатно тоа ќе може да го направи и бебето. Денес има цуцли кои се направени од еден дел.
Немојте како цуцла да го користите капачето од шишето на бебето, може да се распадне на делови и да доведе до гушење.
Постоајат ортодонтски цуцли за бебиња. Имаат округлол врв, а рамно дно. Направени се за да ги спречат евентуалните проблеми со забите во иднина, но некои бебиња повеќе ги сакаат класичните цуцли.
Силиконските цуцли се потрајни , не примаат мириси, лесно се чистат и бебето потешко може да ги прегриза. Но тие не се меки, па многу бебиња повеќе ги сакаат традиционалните цуцли од латекс.
Одберете цуцла чиј штит има отвори. На тој начин ќе избегнете да дојде до осип околу устата, заради слевањето на плунка. Отворите ќе овозможат областа да биде проветрена и полесно да се суши.
Внимавајте на тоа штитот на цуцлата да биде доволно широк, за да се избегне можност од загушување на бебето.
Немојте да купувате цуцли со течност во внатрешноста. Ако бебето ја прегриза цуцлата, течноста ќе се излее во неговата уста, а тоа може да биде опасно.

ПРЕДУПРЕДУВАЊЕ: НИКОГАШ немојте да му ја врзувате цуцлата на бебето околу вратот. Многу родители тоа го прават за да го спречат губењето на цуцлата, но претставува голема опасност за бебето. Лесно може да се затегне врвцата и да дојде до гушење. Цуцлата е предмет кој ќе се губи, затоа подобро во резерва имајте барем уште една цуцла.

Крајната одлука дали ќе му давате цуцла на бебето или не, останува на вас. За некои бебиња цуцлите се корисни, за некои не. Вие оценете што е најдобро за вашето бебе. http://www.tvoebebe.com/BEBE/cucla.php

Дали му давате или му дававте цуцла на вашето бебе? Како ја прифати? Проблеми со одвинувањето? Какво е вашето искуство?

Petra
Форумски домаќин
Форумски домаќин
Мислења: 2039
Придружен: 17 Nov 2009, 20:50
Location: God's Kingdom
Му се допанале: 1044 пати
Им се допаднал: 729 пати

Re: Цуцла

Post by Petra » 04 Feb 2010, 15:28

Цуцла користевме многу краток период. Одкако почнавме да ја користиме почнав да слушам негативни работи. Немавме многу проблеми со одвикнувањето затоа што ја користевме краток период и беше малечка. Секогаш кога ќе ја побараше тука бев јас. (smile)

Annabel
Редовен член
Редовен член
Мислења: 490
Придружен: 09 Nov 2009, 21:21
Им се допаднал: 13 пати

Re: Цуцла

Post by Annabel » 04 Feb 2010, 15:49

Ива не сакаше цуцла воопшто и еднаш кога имаше една година случајно ја најде и почна да ја шмука. И ја грабнав од уста, си реков допрва со цуцла нема да се учиме. (smile)

Јас не сум против цуцлите доколку децата се смируваат, но не сум да се користат долго време.

Морам да признаам дека и денес пиеме од шишенце со цуцла. (sad1)

Annabel
Редовен член
Редовен член
Мислења: 490
Придружен: 09 Nov 2009, 21:21
Им се допаднал: 13 пати

Re: Цуцла

Post by Annabel » 04 Feb 2010, 15:50

Debora, постот а цуцлите е одличен, гледам дека пак ќе го прочитам за еден месец (smile)

georgieva
Нов член
Нов член
Мислења: 43
Придружен: 31 Jan 2010, 15:56
Им се допаднал: 3 пати

Re: Цуцла

Post by georgieva » 04 Feb 2010, 19:41

na 5-6 den od raganjeto sin mi cuca cucla , ako ne bese ona neznam sto ke se pravese , po priroda e mnogu placliv , (i seuste e takov) , no ubava strana e toa sto pred eden mesec pocna samo navecer da ja cuca i toa dodeka zaspie i ja pluka odma , mnogu retko se slucuva da ja cuca podolgo , i mnogu e ubav koga so ubavoto malo race si ja vadi cuclata od usta i pak si ja vraka i taka nekoe vreme si igra , ja mavta ...znaci ne sme zavisnici od cucla i sega da odlucam da ne mu ja davam mislam nema da ima problem...

Annabel
Редовен член
Редовен член
Мислења: 490
Придружен: 09 Nov 2009, 21:21
Им се допаднал: 13 пати

Re: Цуцла

Post by Annabel » 22 Feb 2010, 15:11

Планирам да купам цуцла за бебето, не планирам без причина да му ја понудам, ама нека ја имам засекој случај. Дали ќе биде силиконска или каучукова, ќе видам која повеќе ќе ја сака...

Ива бидејќи пие од шише со цуцла, и двете подеднакво ги прифати...

Debora
Администратор
Администратор
Мислења: 11056
Придружен: 22 Sep 2009, 17:24
Му се допанале: 5853 пати
Им се допаднал: 3576 пати

Re: Цуцла

Post by Debora » 22 Feb 2010, 15:13

Купи ама не му ја давај барем еден месец или два. (smile) За да немате проблеми со доењето, да не го буни.

ruzhica
Нов член
Нов член
Мислења: 2
Придружен: 19 Apr 2010, 21:07
Им се допаднал: 1 time

Re: Цуцла

Post by ruzhica » 19 Apr 2010, 21:38

mojot problem e sto mojata kerka ne saka cucla ima veke cetiri nedeli i ne saka i ne saka koga probam da i ja dadam taa go vadi jaziceto proba vidi deka ne e gradata na mama i stanuva nervozna ako pak probam da i ja podmetnam na nekoj nacin cuclata,koga ja setame niz park duri stanuvam ljubomorna na drugite deca so cucli :smile: a sum citala deka e mnogu polezno za samoto smiruvanje na bebebeto iza podolgo spienje istot aka i za ucenje za disenje preku nos!zatoa sto dodeka spie spie so otvorena ustai od samite zvuci sto taa gi ispusta se probuduva ilise isplasuva, i potoa zaspivanjeto e ...bas pekol ! nekakov sovet kako da ja naucam na cucla kako da ja prifati cuclata??? (help) fala puno

mihaela
Член
Член
Мислења: 115
Придружен: 17 Nov 2009, 15:57
Им се допаднал: 4 пати

Re: Цуцла

Post by mihaela » 27 Apr 2010, 14:37

Со синми користевме цуцла речиси од почетокот на неговото раѓање но само во исклучителни случаи например додека го пресоблекував а тој плачеше за да го надојам,или ако почнеше да досадуват за доење а сме некаде на прошетка а поретко за заспивање затоа што претежно заспиваше додека го дојам.Но ја користевме додека наполни осум или девет месеци.После тоа сам не ја сакаше,најверојатно свати дека го лажам со неа (laugh1)

Mechevska
Нов член
Нов член
Мислења: 92
Придружен: 26 Nov 2009, 18:30

Re: Цуцла

Post by Mechevska » 06 May 2010, 14:13

Annabel wrote:Ива не сакаше цуцла воопшто и еднаш кога имаше една година случајно ја најде и почна да ја шмука. И ја грабнав од уста, си реков допрва со цуцла нема да се учиме. (smile)
Исто и Валентино несакаши и после многу време ја најде и му е скрих.

Јас сум против цуцлите особено за подолго време.Виждала сум деца по на 2-3 г со цуцли.
Annabel wrote:Морам да признаам дека и денес пиеме од шишенце со цуцла. (sad1)
и ние

Одговори

Return to “Бебе”