Крварење во текот на бременоста

Здравје и компликации во бременоста. Совети за здрава бременост, наши иксуства и како да се избегнат и надминат компликациите.

Moderator: Модератори

Правила на форумот
ТУКА
Ве молиме да се придржувате до темите. Пораките кои ја насочуваат темата во друга насока, ќе бидат избришани , едитирани или префрлени во друга тема. Доколку сметате дека нема соодветна тема или не можете да ја најдете, ве молиме започнете нова.
Одговори
Debora
Администратор
Администратор
Мислења: 11056
Придружен: 22 Sep 2009, 17:24
Му се допанале: 5853 пати
Им се допаднал: 3576 пати

Крварење во текот на бременоста

Post by Debora » 16 Jan 2010, 16:10

Крварење се јавува кај околу 20-30% од бремените жени.

Иако не мора да значи дека се работи за опасност, сепак доколку приметите било какво крварење јавете се веднаш кај Вашиот лекар.

Важно е да го следите крварењето: за колкава количина се работи и каква боја е (може да варира од розова, светло црвена, па се до темно кафена боја). Тоа на Вашиот лекар ќе му помогне во поставуавањето на правилната дијагноза.

Крварењето може да се јави од повеќе причини, зависно од тоа во која фаза од бременоста се наоѓате.
КРВАРЕЊЕ ВО ПРВОТО ТРОМЕСЕЧИЕ
Во првото тромесечие крварењето може да се јави од разни причини. Она што најмногу ги плаши жените е можноста дека се работи за абортус. Сепак кај повеќе од половина случаи на крварење не доаѓа до абортус.
Имплантациско крварење

Тоа е обично послабо крварење кое се случува додека ембрионот се всадува во матката, доколку дојде до пукање на некој помал крвен сад. Ова крварење обично се јавува помеѓу 6 и 12 ден од зачнувањето, кога жената всушност и не знае дека е трудна. Може да трае од неколку саати до неколку дена. Бидејки најчесто се јавува пред очекуваната менструација, многу жени го помешуваат со неа, иако е со послаб интензитет.
Полип на грлото на матката

Полипите се бенигни изрстоци на матката и често можат да предизвикаат крварење.
Инфекција на грлото на матката.

Можно е да се работи за некоја габична или бактериска инфекција.

Исто така причина за крварење може да биде некој хематом и сл. Во бременоста цервиксот е поосетлив, па е можно да дојде до крварење после сексуални односи, земање на ПАП тест и др. Во секој случај задолжително јавете се на лекар. Додека имате крварење забранети се секслуални односи, користење на тампони и сл.
Спонтан абортус

Спонтаниот абортус обично се јавува во првите 12 седмици од бременоста. Запомнете дека ако се појави крварење не значи дека мора да се работи за абортус. Абортусот е придружен со следните знаци:

* Крварење, придружено со испаѓање на пареченца ткиво од вагината .
* Силни менструални грчеви.

Повеќето абортуси не е можно да се спречат. Ако сте доживеале аборутус, тоа не значи дека нешто не е во ред со вас. Абортусот често е начин на кој телото се справува со бременоста, кога веќе имало некаква ненормалност кај неа.
Ектопична бременост

Кај ектопичната бременост ембрионот наместо да се всади во матката, тој е всаден надвор од неа, најчесто во јајоводите. Ова е многу опасна ситуација. Како што расте ембрионот доаѓа до прскање на јајоводот и животот на мајката се доведува во опасност. Оваквите случаи се решаваат со лапароскопска операција.
Симптоми на ектопична бременост се:

* Крварење.
* Ниска концентрација на hCG хормонот.
* Силни грчеви во долниот дел на стомакот.
* Остра болка во стомакот.

Моларна бременост

Ова е ретка појава, при која наместо ембрион во матката расте друго ткиво или абнормален ембрион. Ги има следните симптоми:

* Крварење, кое вообичаено е со темно кафена боја.
* На ултразвук често се забележува формација во вид на гроздаст израсток.
* Силни грчеви во стомакот.
* Интезивно гадење и повраќање.
* Висока концентрација на hCG хормонот.

Мора навреме да се реагира, затоа што се работи за тумурозна состојба и ткивото може да се прошири и во другите делови.
КРВАРЕЊЕ ВО ВТОРОТО И ТРЕТОТО ТРОМЕСЕЧИЕ
Крварењето во второто и третото тромесечие не мора да значи дека се работи за сериозна компликација, но тоа е можно. Доколку приметите било какво крварење итно јавете се кај Вашиот лекар.

Имајте на ум дека доколку имате негативна крвна група, веднаш по првото прокрварување ќе треба да примите инекција со имуноглобулини, освен во случај кога и таткото е со негативен RH фактор.

Причините за крварење може да бидат различни:
Воспаление и осетливост на цервиксот (вратот на матката)

Причина за крварење може да биде и некоја габична или бактериска инфекција.
Некомпетентност на цервиксот

Крварење може да се јави заради некомпетентен цервикс. Тоа е цервикс кој не може да остане затворен до крајот на бременоста. Често пати последица на оваков цервикс е предвремено породување. Најчесто се случува во второто тромесечие, но понекогаш и во третото.
Плацента превиа

Ова е многу сериозна состојба, кога плацентата е премногу ниско поставена во матката и може делумно или целосно да го покрива нејзиниот отвор. Обично се јавува безболно светло-црвено крварење, кое може да биде многу обилно и да го доведе во опасност животот и на мајката и на бебето.
Одлепување на плацентата

Кај оваа состојба плацентата се одлепува премногу рано и тоа доведува до крварење од местото на кое била прикачена. Ова одлепување може да биде целосно или делумно. Обично е пропратено со болки во стомакот. Најчесто се јавува во последните 12 седмици од бременоста, но можно е да се јави и порано.
Пукање на матката

Ова се јавува многу ретко, најчесто ако претходно бил извршен царски рез. Придружено се со силно крварење и силни болки во стомакот.
Предвремено породување

Слабо крварење е можно да е знак на предвремено породување. Предвременото породување е пропратено со следните симптоми:

* Крварење, кое може да биде и многу слабо, розикаво и помешано со секретот од паднатиот мукозен чеп.
* Контракции на матката.
* Грчеви слични на менструалните. Можат но не мора да бидат придружени со пролив.
* Притисок во малата карлица, може да имате чувство дека бебето притиска надолу.
* Болка во долниот дел од грбот.

Породување

Ако сте навлезени во 37-та седмица, можно е крварењето да е знак дека Вашето тело се подготвува за чинот на породување. Понекогаш оваквото крварење може да се јави и две недели пред породувањето. Обично се работи за слабо розикаво крварење, помешано со слуз од мукозниот чеп.

http://www.tvoebebe.com/BREMENOST/krvarenje.php

Big
Нов член
Нов член
Мислења: 5
Придружен: 07 Sep 2010, 06:42

Re: Крварење во текот на бременоста

Post by Big » 08 Sep 2010, 03:29

Jas prokrvariv na 39 ta nedela poradi toa sto doktorot izvrsi vaginalen pregled.Bojata na krvarenjeto bese temno kafeava i traese 2 dena.Se konsultirav so doktorot i mi rece deka toa e normalno posle vaginalen pregled dokolku bojata ne e jako crvena.

blond
Нов член
Нов член
Мислења: 4
Придружен: 25 Oct 2010, 17:28

Re: Крварење во текот на бременоста

Post by blond » 25 Oct 2010, 18:11

Охх јас имав некое светлорозево краткотрајно крварење. Отидов на лекар веднаш и ме боцнаа со прогестерон. Сега овие 3-4 дена имам кафеаво исцедување, од левата страна каде што е сместен плодот имам слаби болки, од време на време ми се јавуваат грчеви со слаб интензитет, повремено имам краткотрајно крварење од носот...
Докторката ми рече се е во ред... Во среда ќе одам пак на контрола... Ме фаќа паника дека можеби не е се во ред со плодот... :?

Debora
Администратор
Администратор
Мислења: 11056
Придружен: 22 Sep 2009, 17:24
Му се допанале: 5853 пати
Им се допаднал: 3576 пати

Re: Крварење во текот на бременоста

Post by Debora » 25 Oct 2010, 18:17

Обиди се да се опуштиш, ако не е во ред лекарката ќе видела. Прогестеронот ќе го зацврсти бебушот за матката. Многу жени имале и посилно крварење па се било во ред. Ќе се молиме се да биде како што треба со бебушот. (bu)

Jasmin
Нов член
Нов член
Мислења: 9
Придружен: 27 Aug 2010, 11:12

Re: Крварење во текот на бременоста

Post by Jasmin » 30 Dec 2010, 07:57

Mnogu sme srekni, konecno 2 crticki, megutoa vcera bev na pregled i plodot nesto ne se gledase dobro pa doktorot mi dade tableti dabroston da pijam dva pati na den. Nemam nikakvi krvarenja a on mi kaza samo ovie se da ne dobies menstruacija. Utrovo odma sum na forumi da procitam nesto vo vrska so toa, dali da gi primam. Se konsultirav so drug doktor mi kaza deka poari toa sto nemam krvarenje ne bi trebalo da gi pijam, no on ne me vide na eho verojatno za toa taka i mi kazuva. Verojatno od ehoto doktorot utvrdi deka treba da ja zacvrstime bremenosta, megutoa na forumite procitav deka toa se hormoni i deka mozni se komplikacii so tromb vo krvta. ne napraviv nikakvi ispituvanja na krvta, neznam dali treba. Od radosna sega sum ocajna, pomagajte.

Debora
Администратор
Администратор
Мислења: 11056
Придружен: 22 Sep 2009, 17:24
Му се допанале: 5853 пати
Им се допаднал: 3576 пати

Re: Крварење во текот на бременоста

Post by Debora » 30 Dec 2010, 10:05

Јасмин Дабростонот се прогестерон - не се штетни. Обично ги даваат кога има има крварење, ама всушност и му помагаат на бебето подобро да се вгнезди во матката. Прогестеронот е познат као чувар на бременоста. Многу жени земаат дабростон или утрогестан во првите месеци, не се штетни.
Јас не можам да кажам дали да ги земаш, оти не сум лекар. Ама можеби е добро да го послушаш лекарот, да ги земеш како превенција, иако други лекари не ги даваат кога нема крварење.
Во секој случај не се грижи, јас досега не сум чула дека прогестеронот наштетил.

Jasmin
Нов член
Нов член
Мислења: 9
Придружен: 27 Aug 2010, 11:12

Re: Крварење во текот на бременоста

Post by Jasmin » 30 Dec 2010, 11:01

Blagodaram :) No ova e prva bremenost. Nie se obiduvavme 3 meseci samo, ne sum imala nekavi bolesti ili abortusi prethodno. Dali e potrebno navistina mi e mnogu bitno ili pak e sosema rano da se kaze nesto, a nemam krvav iscedok voopsto, vnimavam na ishrana primam folna i ostanatite vitamini.

aneta
Нов член
Нов член
Мислења: 61
Придружен: 06 Nov 2010, 14:47
Им се допаднал: 1 time

Re: Крварење во текот на бременоста

Post by aneta » 30 Dec 2010, 13:14

Јас ги пиев истите кога имав крварење. Сепак гинекологот најдобро знае.Мислам дека ако не си сигурна подобро е да одиш и да разговараш со него, тој детално ќе ти објасни која е потребата од овие лекови.

blond
Нов член
Нов член
Мислења: 4
Придружен: 25 Oct 2010, 17:28

Re: Крварење во текот на бременоста

Post by blond » 17 Apr 2011, 13:56

Пред некој ден пак прокрварив (бледо розевкаст исцедок). Веднаш заминав на лекар и ми кажаа дека плацентата делумно ми го прекривала грлото на матката.
Некоја со слично такво искуство ?
Дали може делумна плацента превиа да предизвика предвремен пораѓај ?

Debora
Администратор
Администратор
Мислења: 11056
Придружен: 22 Sep 2009, 17:24
Му се допанале: 5853 пати
Им се допаднал: 3576 пати

Re: Крварење во текот на бременоста

Post by Debora » 17 Apr 2011, 14:20

Blond тука има тема за плацента превиа
topic186.html

Одговори

Return to “Здравје и компликации во бременоста”