Ќе правам инсеминација

[Debora]

ШТО Е ТОА ИНСЕМИНАЦИЈА

Инсеминацијата е третман на неплодност, при што се зема сперма од мажот и се става во гениталниот тракт на жената. На тој начин се скратува патот кој треба да го поминат сперматозоидите за да ја оплодат јајце клетката. Инсеминацијата денес е нашироко распространета техника во лекувањето на неплодноста. Стандардна процедура во лекувањето на неплодноста е пред да се оди со ивитро оплодување да се направи обид со неколку инсеминации.

Стапката на успешност на инсеминацијата е 15-20% во еден циклус, но зависи и од староста на жената. Кај жени постари од 35 г. стапката е пониска, а кај жени над 40 г. е значително ниска.

Во Зависност од тоа каде се става спермата, постојат неколку вида на инсеминација:

Интраутерина инсеминација или IUI. Ова е најчестиот вид на иснеминација, при што спермата со посебен катетар се вметнува директно во матката на жената.

Интрацервикална инсеминација ICI. Кај оваа инсеминација спермата се става во вратот на матката. Помалку е застапена од интраутерината инсеминација затоа што има помала стапка на успех.

Интратубарна инсеминација IТI. Кај овој тип на инсеминација спермата се става директно во јајцеводите. Се користи многу ретко затоа што е понепријатна за жената и има поголеми шанси да дојде до инфекција или други компликации... http://www.tvoebebe.com/NEPLODNOST/inseminacija.php


Ако даде Господ следниот месец треба да правам инсеминација. Се договоривме со др. Хаџи-Лега од Ремедика.
Од третиот до седмиот ден од циклусот треба да пијам кломифен, па потоа на фоликулометрија. Дури сум нестрплива, што е чудно за мене и било каква посета на лекар :mrgreen:

[Debora]

Од денес почнав со пиење на Коломифен, два пати на ден по 1 таблета. Верувам дека нема да се случи нешто несакано, од типот на цисти (што не би било чудно кога станува збор за Кломифен).
Досега имам пиено само по 1 таблета днвно, ова ми нешто ново, ама верувам дека ќе биде добро.
Со Господ напред, во среда на деветти ден од циклус треба да одам на фоликулометрија, па ќе видиме што издејствувал Кломифенот.
Ете тоа се новостите. :)

[Debora]

Денес бев на фоликулометрија и на левиот јајник има фоликул од 22 мм, а на десниот еден од 21 и еден од 19. Ендометриумот не е најсјаен, гранична дебелина е 8 мм, а кај мене беше 8,5, ќе видиме дали ќе здебели до утре, не е страшно. За утре е закажана инсеминацијата, па ќе видиме.

[Debora]

Помина и инсеминацјата. Едниот фоликул веќе беше прснат, два се фатени пред прскање. Од вечер треба да почнам со утрогестан. Докторот ми рече да бидеме активни викендов, оти има други фоликули што растат и ќе прснат. Сега останува на Господ.

[Debora]

Во петокот направив тест, беше негативен :o и ги прекинав утрогестанот. Треба да чекам да добијам.
Многу тешко го поднсов естрофемот, ми ствараше многу голема вознемиреност и нервоза. Откако прекинав со него за 2-3 дена ми дојде душата на место.
Тоа е тоа.

[Debora]

Еве ме пак. Вчера добив менструација, денес се јавив пак кај др. Хаџи-Лега и се договоривме од утре пак да почнам со Кломифен и уште една инсеминација.

[Sashka]

Поздрав Дебора ;)
Ти посакувам наредната инсеминација да биде успешна и уште следниот месец да отвориш нова тема за честитки :)
Многу среќа и се молам за тебе!

[Annabel]

Дебора, поддршка и од мене, и не губи надеж. Кај е Господ, никој не е.

[Debora]

Девојки фала за подршката и молитвите. Некогаш човек се уморува, ама ме охрабривте. Токму така, Господ е над се, ќе биде како што треба.
Еве од денес почнувам со кломифен, па здравје.

[Vivien]

Од срце ти посакувам успешна инсеминација..биди храбра и позитивна..