Инсеминација

[Debora]

КАКО ТЕЧЕ ПОСТАПКАТА НА ИНСЕМИНАЦИЈА

Инсеминацијата е релативно едноставна постапка.

Доколку жената има нормална функција на јајниците, инсеминацијата може да се прави без хормонална стимулација.Сепак шансите за успех се поголеми кога има повеќе фоликули. Од таа причина најчесто и кај жени кои имаат нормална овулација, се стимулира созревање на повеќе јајце клетки.

Стимулацијата се прави со Кломифен или инекции со гонадотропини.

Кај жени кои немаат редовна овулација, задолжително се дава хормонална стимулација.

Потоа жената се следи на ултразвук и кога лекарот ќе оцени дека фоликулите се доволно созреани, прима инекција со hCG хормон (најчсето Прегнил или Овидрел) за да се предизвика прскање на фоликулите. Овулацијата се случува околку 36 часа по примањето на инекцијата. За тоа време се закажува и инсеминацијата.

На деност на инсеминацијата сопругот дава примерок од спермата и потоа таа лабораториски се обработува. Спермата се промива, се центрифугира за да се отстранат мртвите и абнормалните сперматозоиди, се отстранат другите примеси и сперматозоидите се ставаат во медиум вој има и антибиотици. Антибиотиците се употребуваат да се спречи евентуална инфекција кај жената.

Всушност со обработката на спермата, се концентрираат поквалитетните сперматозоиди. Доколку мажот има намалена плодност, но има повеќе од 5 000 000 сперматозоиди во обработената сперма, се смета дека бројката е доволна за успех. Иако со инсеминацијата се потпомогнува оплодувањето, затоа што се скратува патот кој сперматозоидите треба да го поминат за да ја оплодат јајце клетката, сепак мора да ги има во доволен број и да бидат доволно подвижни за да стасаат до неа. Доколку има помалку од 5 000 000 здрави сперматозоиди, се смета дека инсеминацијата нема да има успех и се оди со ICSI ин витро постапка.

Така обработената сперма со посебен катетар се вметнува директно во матката на жената. Потоа жената се остава да полежи 10-20 минути и си оди дома.

Повеќе тука: http://tvoebebe.com/NEPLODNOST/inseminacija.php

[Debora]

Инсеминацијата воопшто не треба да биде болна. Непријатна е како обичен гинеколошки преглед. Постапката е многу брза. Мажот дава сперма на обработка (се прочистува за да се добијат квалитетните сперматозоиди), да речеме по 2 часа кај жената со катетер се вбризгува прочистената сперма. Се лежи уште пола час и толку. Ништо страшно.
Резулататите се знаат како и за природното оплодување, ќе закасни менструацијата и се прави тест за бременост или пак некој ден порано може да се направи испитување на ХЦГ хормонот преку крвта.
Најчесто инсеминацијата се прави со хормонална стимулација за да се добијат повеќе фоликули и да се зголемат шансите за успешност.

[anja]

Мене ме интересира дали гинекологот одлучува кога кога треба да се направи инсеминација, или тоа може да биде и по моја желба. Колку време треба да имаме неуспешни обиди за да започнеме со инсеминација?

[Debora]

Ања зависи од лекарот. Обично сакаат неколку циклуса да пробаат само со Кломифен, па одат со инсеминација.
Јас мислам дека можеш да разговараш со лекарот. Ама колку што знам кај нас легална инсеминација се прави само на големите приватни клиники.
Друго секако е препорачливо да се одбере клиника што прави и ин витро затоа што имаат опрема и искуство за обработка на спермата.
Знам дека некои ја прават во ординација на диво, ама тоа е со необработена сперма и може да биде многу опасно за жената.

[anja]

Фала ти многу за информацијата. (smile)

[Debora]

Заборавив да напомнам дека треба претходно обавезно да има направено ХСГ, хормонски статус и микробиолошки брисови. Секако се плаќа приватно, па времето на обиди не треба да има значење.

[ilijana123]

Многу ме загрижува ова што читам по овој , а и по други форуми во врска со инсеминациите, воопшто никој нема споменато дека имал успешна инсеминација (confus) Зошто воопшто оваа постапка се применува кога веројатноста за нејзина успешност е значително мала , па речиси и никаква ?
Поздрав

[Debora]

Вреди да се проба затоа што сепак има шанси, а е многу полесна постапка од ин витрото. Сепак има случаи каде била успешна.

[Ana]

dali inseminacijata sekogas se pravi na 13 den ili...?

[prvenka]

Nemam iskustvo so toa,no kako sto pratam po forumite ne e sekogas na toja den.Zavisi koga ke proceni d-rot,od sozreanosta na folikulot (a2)