Отворени писма

[happy cumulus]

Cesto se naogam vo situacija da sakam da se iskazam nekomu, ili nesto, no nemam prilika, moznost, ili ne e relevantno. Pa eve predlagam sekoja sreda da ni bide den na otvoreni pisma. Otvori si ja dusata, obrati se na koj sakas i kako sakas tuka ednas nedelno, pa moze posle tovarot sto go nosis ke ti se cini pomal (smile).

[Happy_Mommy]

Недобредојден мој гостине .. целулит,

Веќе почна психички да ме измачуваш и во сон, па истрчав да ти напишам писмо.Се надевав дека сам ќе се откажеш од идејата да се дружиме и да бидеме неразделни , ама пошто гледам не оди морам да те откачам. Зар не гледаш дека не сме створени еден за друг? Зар не гледаш дека не си одговараме и НЕ СИ МОЈ ТИП? Ако јас родив дете, не ти дава за право да ме направиш ''непривлечна жена'' , како што гледам , многу наметлив си и тоа ти е намерата. Зошто си несовесен и не си одиш од таму каде што не си воопшто посакуван?

Твојата неразделна пријателка, другарка или домаќинка!

[Happy_Mommy]

Многупосакувана справо за вежбање,

Мислиш дека ми е лесно секој петок да те гледам, а да не си моја? Мислиш не би сакала да те имам во својот дом? Да знаеш само колку ми требаш... посебно последниве денови во кои мојата самодоверба е на прилично ниско ниво. Знам дека си мислиш дека ќе те купам, ќе те одделам од твоите сестри таму за да стоиш во некој ќош дома кај мене , ама барем јас мислам дека не е така. Ако те добијам, ти ветувам дружење секој ден по 1 или 2 часа. Тоа е се што можам да ти понудам.

Твојот иден сопственик!

[Happy_Mommy]

Нежно мое лице,

Најпрво, фала ти што си тука и кога ти посветувам најмалку време. Фала ти што имаш влијание барем за миг да ми се менува расположението, кога и да те погледнам во огледало... Фала ти што се држиш добро и кога цела ноќ врз тебе се тркалаат моите горчливи солзи, а утредента пак делуваш храбро и свежо. Многу ме радува тоа што беше несебично и огромен дел од тебе си донирало и на мојата ќеркичка која се надевам задоволно ќе го поседува наследството од тебе!
Сакав само да знаеш дека во иднина ќе ти посветам доволно внимание, иако твојата хигиена секогаш била на високо ниво.

Твојата неодговорна сопственичка!

[Nespretna]

Го замолувам денот да го продолжи своето траење на барем 25 часа. Малку се 24, дефинитивно. Исто така, молам времево да не лета, како што лета, да си оди полека. (Пред 5 години го посакував спротивното) (rolll)

[happy cumulus]

Неспретна, баш ќе ја отварав темата со нов датум. Ај сега. Може дури да ставиме една без датум, па секоја среда нека повели кој сака да се издува.

[happy cumulus]

Ајде народе, повелете испукајте се, или пак заблагодарете се, кому/што сакате. Отворете душа, фрлете товар :)

[Happy_Mommy]

Уф, јас не забележав дека темава има датум :ymblushing: Дебора ако може премести ги моите постови во другата тема. Поздрав

[Debora]

Ги преместив, ама тие што се хронолошки постари се качија горе. Мислам дека не е проблем, нека си биде овака.

[happy cumulus]

Одлицно си е овака, нека си тера. Само убаво ќе беше во првиот пост од темава да има објаснение...За оние кои ќе се приклучуваат подоцна. Незнам дали може овој пост да се спои со оној од пред една недела и да избришеме датумот? Или незнам како мислите, така. Како биде, така, еве јас да им се обратам на оние кои ми го разубавуваат/отежнуваат денот (smile).

Мили мој синко,

Знам дека си болничко. Знам дека ти е мачно што носот ти е затнат и што неможеш раат ниту да јадеш, ниту да пиеш. Се би направила да можам да ти помогнам и да ти олеснам. Но, со тоа што ќе те држам во раце нон-стоп, сигурно не ти помага. Па и мајка ти има некои потреби, како на пример да оди до wc, да јаде, да потспрема нешто ручек, да земе здив! Тоа што плачеш во секој момент кога ќе се оддалечам на 15 цм од тебе, не е убаво ни за тебе, ни за мене, ниту за комшиите. За никој! Дај, мил на мама, потруди се 5 мин. барем да си поиграш сам, зашто сите сме на крај со нервите.

Те сака многу,
Мама

----------------------------------------------------------------------------------------------------------

Драги организатори на конференцијата на APC конференцијата,

Ако волонтирам да помогнам за нешто, не значи дека мора да ме ставите на најнеблагодарната позиција, и згора на тоа најдолго време. Тоа што низ департментот не сум многу комуникативна со сите, не значи дека сум наивна, ниту пак неспособна да водам сесија. О, верувајте ми знам да зборам, мислам дека во четврток на состанокот ќе имате прилика да се убедите во тоа. Ќе пробам пиштолите да ги оставам дома, ама мегафонот доаѓа со мене на состанокот. Јас волонтирав, ветив ќе помогнам, и ќе си стојам на зборот. Ама, од ваша страна беше ветена обука за позицијата, па јас ќе ве држам за зборот и верувајте ми, има да поминете 2 саати со мене, да ме обучите како да ја вршам работата.

Вашиот постдипломец,
Јас

----------------------------------------------------------------------------------------------

Сакан мој мажу,

Некогаш толку ќе ме обземат проблемите и секојдневните обрски, што заборавам да ти кажам колку сум благодарна што ти си мојот животен сопатник. Ти благодарам што ме изненади пријатно минатиот петок и што не однесе на 24 часовна релаксација на едно од моите омилени места. Знам дека знаеш, ама оваа прилика ја користам да ти кажам колку те сакам и колку си посебен. Е сега на некои полиња и си посебен на начин што и не ми се баш добаѓа, ама можеме да живееме со тоа (smile).

Твојата сопруга!