Посни јадења

[Kjara]

Иако има тема за рецепти , сепак оваа ја отворив затоа што доага Бадник и да пишуваме интересни и вкусни посни јадења. Денес налетав на еден рецепт кој би требало да биде вкусен (smile)
Посна салата :

- Варена пченка
- Маслинки сецкани
- Праз сецкан
- Маринирани печурки
- Туна од конзерва
Сето ова се меша , се додава сол, бибер и лимонов сок и се служи.

Бон апетит :grin:

[Rossana]

Посен Грашак

Потребно
500 грама грашак
1 домат
1 свежа пиперка (блага)
50 грама ориз
1 главица кромид
1 морков
1 супена лажица црвен пипер
сол, бибер и зејтин

Начин на подготовка
Кромидот го лупиме го миеме и го дробиме во тенџере, исто така ја миеме и ја дробиме пиперкета во тенџерето кај што ни е издобен кромидот. Во тенџерето ставаме зејтин и го ставаме на рингла да се пржи кромидот. Откако малку ќе биде замекнат го додаваме доматот излупен и издробен, пропржуваме а потоа го додаваме оризот, морковот (исцекан), и грашакот, пропржуваме уште малку а потоа ја додаваме лажицата црвен пипер, 500 грама вода и сол и бибер по желба. Грашакот го оставаме на тивок оган да се вари 40 минути. Кога е готов го вадиме од оган и го служиме топол.

[Rossana]

Посна Чорба со Спанаќ

Потребно
500 грама спанаќ
1 домат
2 главици кромид
50 грама ориз
1 супена лажица црвен пипер
350 грама вода
сол, зејтин и бибер

Начин на подготовка

Спанаќот го чистиме го миеме и го оставаме да се исцеди. Кромидот го лупиме го миеме и го дробиме во тепсија, во тепсијата ставаме зејтин и ја ставаме тепсијата не рингла за да се пржи кромидот. Спанаќот го дробиме во подлабок сад. Откако кромидот е замекнат го додаваме дробениот спанаќ и него го пропржуваме, а потоа го додаваме доматот измиен, излупен и издробен и него заедно со спанаќот го пропржуваме. Оризот исто така го чистиме го миеме и го додаваме во спанаќот, ја додаваме лажицата црвен пипер и ја ставаме водата 350 грама. Спанаќот го оставаме да се вари на тивок оган 45 минути. Откако е готов го вадиме од оган и го служиме топол.

[Marina]

случајно ја видов темава и морав да искоментирам,спанаќ се вари најмногу 5 минути,некои само го попаруваат со врела вода,неколку минути да отстои ,и откако ќе се исцеди го поливаат со ладна вода,и пак да се исцеди. после 5 минути се губат витамините во спанаќот,тој ќе си остане вкусен и ако подолго се вари ама со пократко време на готвење се задржуваат сите витамини

[Vesela]

Денес за ручек имам посна компир манџа, се прави исто како мрсна само без месо.
Ако не ви е проблем споделете ми некоја идеа или рецепта за посно јадење.

[Mimi Bella]

Ајдее девојкии пишете ми пецепти за посни јадења .. (smile) (smile)

[stela]

Mimi bella ova e recept za posna pica,iako e posna na maz mi mu e omilena
Testo za pica kupuvam gotovo, koj saka moze i da si zamesi
2 tuni
3-4 mladi kromitcinja
1 ili 1/2 kitka magdonos, zavisi od vkusot, ke se izmesa se zaedno,seckano, se razbira.Testoto ke se premacka so sos ili kecap,potoa se stava rendan kaskaval posen,potoa se stava od filot i vrz toa se stava domat seckan na krugovi i moze piperce i maslinki. Se nadevam deka ke ti se dopadne

[stela]

Ne napomenav deka od filot ima za 2-3 pici, i toa si zavisi od vkusot, koj kolku saka

[Filigran]

Денес направив ХУМУС. Потекнува од арапската кујна и е многу вкусeн намаз.
Потребно ви е:
- 200 гр непечена леблебија (слануток)
- 200 гр. таан
- лимонов сок, лук, сенф, маслиново масло, сол и бибер
Сланутокот се остава преку ноќ да кисне во вода со едно лажиче сода бикарбона. Водата да биде 2 -3 пати повеќе од сланутoкот бидејќи сланутокот набабрува. Следниот ден се вари во нова вода, се додека на притисок леблебијата е мека. Потоа се мели во блендер заедно со сите останати состојки, се додека не се добие мазна ,средно густа смеса. Бидејќи јас правев од око ќе ви пишам отприлика мера: на 200 гр. слануток, ставете 2 големи лажици лимонов сок, 2 мали лажици сенф, 4 лукчиња, 200 гр таан, сол и бибер по желба и вкус а маслиново масло исто така отприлика. Со самото блендирање ќе бидите, ако е премногу густа смесата турете уште. Имајте во предид дека со самото стоење смесата се згуснува.
Може да се служи како паштета, додаток на некои јадења.
http://s16.postimg.org/s2byeopl1/humus.jpg

[Lejla7]

Filigran, a od kade da gi kupam sostojkite-slanutokot i taanot? Aj pisi te molam.Humus nemam jadeno uste od koga bev vo Anglija (tamu se prodavase gotov po supermarketi), a mnogu go sakam.
ps Procitav deka postis.Bremenite zeni gi osloboduvaat od post, konsultiraj se so svestenik da te razresi da mozes barem mlecni proizvodi da jades.Ne e ubavo za bebceto sega da mu kratis proteini, a i zelezoto moze da ti se namali, postot ne e igracka.Bremena si zeno, dusa plus nisis vo tebe- za post imas vreme cel zivot.