Правопис

[Hera]

Во нашиот јазик негацијата „не“ се пишува разделено само кај глаголите и кај глаголските прилози, а во сите други случаи (придавки, прилози, глаголски именки) се пишува слеано.

Значи вака се пишува правилно:
- разделено со глаголи: не може, не сака, не знае, не размислува
- разделено со глаголски прилог: не сакајќи, не знаејќи, не можејќи ...
- слеано со придавки, прилози и именки: непријатен, несвесен, неумен, неподготвен, недалеку, нечовек, непријател, невистина, неубав, недобар, некоординиран ...

[Hera]

Префиксите по- и нај- за образување компаратив и суперлатив се пишуваат слеано.
добар, подобар, најдобар
висок, повисок, највисок

Слеано се пишуваат и зборовите чија втора компонента е -пат, -пати.
првпат, вторпат, двапати, многупати, секојпат, дваестпати, сто седумдесетпати

Разделено се пишуваат:
сè уште, на пример, од сè срце.
мајка ми, татко ти, брат му, баба ви

Мислам дека овие се најчестите грешки што ги правиме ... па ќе си ги поправиме. (smile)

[Petra]

Искрено мене не ме нервираат туѓите правописни грешки. Прифаќам како е така е. Ако нешто не разбирам ќе прочитам повторно за да ја разберам пораката. Ниту пак говорните, можеби некогаш е смешно ама пак не со став на критицизам, туку така интересно ми е. Не можам да ја барам раската во очите на другите а кај мене греда... (smile) Се прават грешки од брзање, не внимавање, не знаење итн...Јас правам грешки, не пишувам често и ми се случува да се збунам, па грешам со интерпукциските знаци, во пишувањето. Ама важно пишувам, се дружам. (thumbup)

[Lady D]

Ме нервираат и тоа многу. Повеќе се нервирам кога ќе го слушнам зборот, значи кога некој така упорно го изговара, отколку кога ќе го прочитам. Затоа што Петра убаво кажа се прават грешки при пишување.
Хера ама убаво објасни за сфаќа и сваќа (rolll)
ВуЊа (вујна), фЛизер (фризер), реЛна (рерна), муФла (мувла) , пуЊач (полнач), гража (гаража), мој се (мои се), кој се (кои се)........... и уште многу други што моментално не ми текнуваат. Најмногу ме нервира пуњач (confus) Полнач или пунач подобро, отколку со Њ.....