Ashley Bridges (24) ја направила крајната жртва за нејзиното неродено бебе, со тоа што одбила третман со хемотерапија кога во бременоста и бил дијагностициран рак на коските. Ракот на коски е многу редок, особено кај младите луѓе и на него отпаѓа помалку од 1% од сите дијагнози на рак.

Ешли била во 10-та недела од бременоста кога била откриена нејзината дијагноза. Лекарите и препорачале да ја прекине бременоста и да почне веднаш со хемотерапија. Таа низ солзи вели: Не доаѓаше во предвид да го убијам моето здраво бебе затоа што јас сум болна.

За време на третото тромесечие на Ешли и кажале дека одолжувањето на третманот довело до проширување на болеста. Кога била во 8-ми месец од бременоста била породена за што поскоро да почне да прима хемотерапија.

И покрај повеќекратните дози на хемотерапија болеста не отстапила и на Ешли и кажале дека има помалку од една година живот. Таа вели дека помислата дека нејзиното девојче ќе расте без неа е навистина тешка, но дека не жали за совјата одлука за ставањето на животот на нејзината ќерка пред нејзиниот. Таа вели дека малото девојче е нивниот зрак сонце во целата темна бура.

Ешли има 6 годишен син, кој на веста за нејзината болест изјавил дека ако таа замине и тој сака да оди. Околу грижата за бебето, Ешли дење има помош од пријателите и нејзиното семејство, а во текот на ноќта од нејзиниот свршеник, кој е воено лице.

Според последните вести ракот не се раширил во нозете, како што лекарите сметале дека ќе се случи. Исто така скеновите покажале дека туморите во главата не се пораснати. И покрај болната дијагноза, Ешли сеуште има надеж и ќе се бори до крај.