Каролин Саваж е мајка на 5 деца. Близнаците ги добила со помош на сурогат мајка - откако и кажале дека веќе нема да може да раѓа, двете ги добила со ин витро, а најстариот син бил зачнат природно пред 20 години.

Тоа што е изненадувачки во целата приказна е што по 2 децении борба со неплодност зачнала по природен пат на 45 години. Каролин вели:

После 2 децении поминати без спонтано зачнување, после безбројни циклуси на стимулација, повеќекратни инсеминации и повеќе од 5 обиди за ин витро... Ја бев бремена - на старомодниот начин.

Пред 6 години таа стана позната низ светот по трауматичната лекарска грешка за време на едно од нејзините ин витра. Се открило дека и всадиле ембрион на друг пар. Таа решила да го роди бебето и потоа да го предаде на неговите биолошки родители, знаејки колку многу е сакано тоа бебе.

По раѓањето на Логан, бебето кое го родила за неговите биолошки родители

Каролин сега е запрепастена што има здрава бременост на таа возраст. Со сопругот имале незаштитен секс во текот на нивниот 21 годишен брак и природно забременила само еднаш - пред 20 години - кога го родила првиот син.

Кога дознала дека е бремена веднаш посегнала по Google, пребарувајки: бремена на 45 и се сретнала со депримирачки статистики. Некои сајтови пишувале за 90% спонтани аабортуси на таа возраст. Му ја соопштила радосната вест на сопругот, но ја пропратила со отрезнувачката статистика и му рекла дека тоа веројатно нема да трае.

Додека парот загрижено "чекал" да го изгубат бебето, времето минело, а рутинските прегледи не покажале никаков проблем. Во 15 недела ги добиле и резултатите од хромозомските испитувања и дознале дека бебето е типично и дека е машко.

Каролин вели дека тогаш ја оставиле морбидната состојба на очекување на спонтан абортус.

За бебето кое го родила после имплантацијата на туѓ ембрион, вели дека го сакала како свое и дека секој ден благодари и се моли за него.

После неговото раѓање и било кажано дека не може повеќе да раѓа, заради синдром кој може да предизвика опасна прееклампсија и дека нејзината матка повеќе не може да носи бременост.

Близначките од сурогат мајката

Затоа во 2011 година парот со помош на сурогат мајка ги добил близначките Изабела и Реган.

Сега целото семејство е воодушевено од новата бременост и го чекаат доаѓањето на шестото дете.

Целото семејство: Каролин (45) и сопругот (44), најстариот син (19) е во центар лево, до него од десно е вториот син (17) зачнат со ин витро, во центар е ќеркичата (6) исто така зачната со ин витро, а двете близначки (3) од сурогат мајката се во црвено