Децата кое се зачнати во доцна зима или рана пролет имаат поглем ризик за развој на алергии на храна.

Ризикот за разој на алергија на храна кај децата зависи и од тоа во кој период од годината го поминале првото тромесечие од нивниот развој. Се препоставува дека за тоа е виновна високата концентрација на полен од дрвјата во пролетните месеци, во периодот кога кај бебињата е почетокот на формирање на антителата.

Истражувачите велат дека ниското ниво на Д витамин кај мајката после зимата, исто така игра улога со тоа што ја намалува имунолошката одбрана кај нероденото дете.

Најсклони кон алергија на храна се бебињата родени во Октомври и Ноември.

Во студијата биле проучени 6000 деца во Финска. Од оние деца кои единаесетата седмица од развојот ја поминале во Април или Мај, алергија на храна се појавила кај 11%.

Кај оние деца пак кои единаесетата седмица на развојот ја поминале во Декември или Јануари, алергија на храна се јавила кај само 6%.

Алергијата на јајца и млеко кај децата кои крајот на првото тромесечие од бременоста го поминале во Април и Мај била дури 3 пати поголема, од оние кои крајот на првото тромесечие го поминале во Декември и Јануари.

Растечката појава на астма и алергии во последните 30 години се припишува на претераната хигиена, исхраната и раната употреба на антибиотици.

Др. Elaine Vickers вели:

Оваквите истражувања помагаат да порасне разбирањето за развојот на имунолошкиот систем на детето уште во утробата на мајката и во првите години од животот. Со тоа пак расте и можноста за пронаоѓање на нови третмани и терапии кои ќе го урамнотежат имунолошиот систем и ќе ја намалат појавата на алергии.

Авторите на студијата велат дека истражувањето индицира дека децата кои се родени во есен или зима се посклони кон егзема и потешкотии со дишењето и дека кај нив циркулираат повосоки нивоа на антитела за алергените, отколку кај децата родени во пролет или лето.