Со помош на калкулаторот за пресметка на "Индекс на телесна маса за деца" можете да дознаете дали тежината на вашето дете споредена со висината спаѓа во границите на нормалата или пак кај детето постои дебелина или неухранетост.

Калкулаторот го пресметува не само Индекот на телесна маса (BMI - body mass index), туку и перцентилите, кои пак се посебно важни затоа што го покажуваат ризикот на детето за дебелина, а со тоа и за некои болести. Статистички гледано околу 60% од децата со BMI поголем од 94 перцентили имаат барем еден ризичен фактор за кардиовасклуарни заболувања, а 20% имаат барем 2 или повеќе фактори на ризик.

Децата со BMI од 85-94 имаат сличен иако нешто помал ризик за развој на кардиоваскулатни заболувања.

Забелешка: Важно е редовно да го мерите индексот на телесна маса кај детето (на пример еднаш месечно), затоа што ако помеѓу 2 мерења во рок од еден месец има многу голема разлика (на пример 40 или 50 перцентили), иако вредностите се во граница на нормала, сепак можеби детето има проблем со тежината.

Овој калкулатор служи за пресметка на Индекс на телесна маса кај деца. Ако сакате да го прверите индексот на телесна маса кај возрасен човек, одете на следниот линк: КАЛКУЛАТОР ЗА ИНДЕКС НА ТЕЛЕСНА МАСА КАЈ ВОЗРАСНИ.

Пресметка на овулација и плодни денови

Користењето на оваков калкулатор е едноставна алатка за помош при забременување и одредување на плодните денови. Со калкулаторот можете  да дознаете однапред кога се вашите плодни денови и овулација. Негативна страна на калкулаторите е што може да функционираат само кај жени кои имаат редовни менструални циклуси. Доколку вашиот циклус има поголеми варирања, тогаш ќе имате варирање и на денот на овулација и плодните денови. Во таков случај потребно е да ги следите и другите знаци на овулација.

Имајте впредвид дека иако овие калкулатори се доста точни, сепак секоја жена е посебна и кај некои жени ќе има извесно отстапување. Најдобри резултати можат да се постигнат во комбинација со следење на другите знаци на плодност и овулација.