Недостатокот на сон кај децата може да доведе до проблеми во однесувањето, проблеми во фокусирањето и учење во училиште, а исто така може да влијае и врз имунолошкиот систем. Ова го тврди Др. Aneesa Das, специјалист по медицина на спиење, од Медицинскиот Центар на Универзитететот во Охајо.

Хроничниот умор предзвикува потешко да можеме да се справиме со се она што се случува околу нас.

Кога децата ќе влезат во тинејџерски години сонот станува уште поголем прблем. Др. Анеса вели дека нивниот внатрешен часовник им кажува да си легнуваат и да стануваат подоцна, отколку децата и возрасните. Таа уште вели дека само 15% од тинејџерите го добиваат потребниот сон.

Спиењето е време кога телото се обновува. Мускулите и другите ткива се репарираат, се ослободуваат хормоните кои го контролираат растот, развојот и апетитот. Се обновува енергијата и се засилува помнењето, затоа треба да се обидеме да имаме редовен сон.

Кај возрасните, недостатокот на сон е уште посериозен. Тој се акумулира во текот на годините и е докажано дека придонесува за повеќе хронични болести, вклучувајки ги срцевите заболувања, дијабетес, висок крвен притисок, депресија и дебелина. Некои медикаменти исто така го нарушуваат сонот, како оние против срцева аритмија, висок притисок и астма.

Сонот на возрасните е фрагментиран или прекинуван во текот на ноќта. Тоа може да се должи на грижата за децата, светло, бука, на некоја медицинска состојба или на самиот стрес во текот на денот.

Еве ги препораките за сон за личности од различна возраст:

• Бебиња: Вкупно до 16 часа, вклучувајки ги и преспивањата.
• Тодлери (2-3 години): 12 - 14 часа, вклучувајки ги и преспивањата.
• Предучилишна возраст (3-5 години): 11-13 часа (повеќето деца од 5 години и над 5 години повеќе не преспиваат)
• Училишна возраст (5-12 години): 10-11 часа
• Тинејџери: 8.5-9.5 часа
• Возрасни: 7-9 часа

За да ги подобрите шансите да добиете здрав сон во текот на ноќта, Дас нуди неколку совети: Немојте да правите ригорозни вежби неколку часа пред легнување, избегнувајте таблети, телефони и лаптопи пред спиење - тие емитираат плава светлина, која го попречува сонот, не им го дозволувајте тоа ниту на децата. Направете си топла бања 2 часа пред легнување, внимавајте на лекарствата за спиење - тие имаат несакани пропратни ефекти.